Немистер АКШ аларды миграциялык кризисте жетиштүү колдоого албашына нааразы

БИШКЕК, 22-дек. Sputnik. Британиялык белгилүү Populus изилдөө компаниясы тарабынан Sputnik эл аралык маалымат агенттиги жана радиосу үчүн жүргүзүлгөн сурамжылоого ылайык, Германия калкынын 71 пайызы АКШнын 2017-жылга чейин жылына 100 миң качкынды кабыл алуу боюнча сунушун жетиштүү колдоо деп ойлобойт. АКШда сурамжылоого катышкандардын 85 пайызы жардамды жетиштүү же аябай көп деп эсептешет.

Ал эми "АКШнын 2017-жылга чейин жылына 100 миң качкынды кабыл алуу боюнча сунушун кандай деп ойлойсуз" деген суроого сурамжылоого катышкан Чыгыш Европалыктардын 54 пайызы, Батыш Европанын 45 пайызы миграциялык кризисте европалыктарга сунушталган жардам жетиштүү эмес деп ойлошот. Ошондой эле, АКШнын жардамына Венгрия (63 пайыз), Болгария (62 пайыз) жана Польша (47 пайыз) дагы канааттанган эмес.

АКШ тарабынан сунушталган жардам жетиштүү деп эң көп ойлогондор Францияда (54 пайыз). Улуу Британия менен Чехия мындай көз карашка тилектештердин саны — 51 жана 46 пайыз.

Сурамжылоо Populus изилдөө компаниясы тарабынан 2015-жылдын октябрь айында жүргүзүлгөн. Ага 8000 киши катышып, Улуу Британия, АКШ, Германия, Франция, Болгария, Венгрия, Чехия жана Польша мамлекеттеринен миңден киши катышкан. Алар жынысы, жаш-курагы жана географиялык өзгөчөлүгү боюнча ар түрдүү топторго кирет. Ишенимдүүлүктүн 95 пайыз мүмкүндүгүн эсепке алганда ар бир өлкө боюнча маалыматка болгон ишеним +/- 3,1 пайызды түзөт.

"Sputnik.Пикирлер" долбоору тууралуу маалым кат

Коомдук пикирди изилдөө боюнча эл аралык долбоор 2014-жылдын январында башталган. Долбоордун өнөктөшү белгилүү Populus изилдөө компаниясы болду. "Sputnik.Пикирлер" долбоорунун алкагында Европа жана АКШ өлкөлөрүндө маанилүү социалдык жана саясий маселелер боюнча сурамжылоолор үзгүлтүксүз жүргүзүлөт. 

Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт.