Быйыл мэрия балатынын каркастык түзүлүшүнөн баш тартууну чечкен. 10 жыл ичинде ал жарактан чыгып, анын үстүнө былтыркы балатынын кооздолушу да шаардыктар арасында бир топ нааразычылыкты жараткан. Мындан улам быйыл жаңы жылдык символду түп орду менен жаңылоо чечими кабыл алынган.
Жаңы жылдык балатыны орнотуу 12-декабрда башталган. Атайын техниканын жардамы менен коммуналдык кызматтар буга туура бир жума коротушту. Ага "Тазалык", "Зеленстрой" жана "Бишкекжарык" ишканаларынан 100дөй киши катышып, мэрия, жада калса милиция кызматкерлери да кол кабыш кылышты.
Кышкы балатыны мэрия 12-декабрдан тарта орното баштады
Буга атайы техниканын беш даанасы...
... жана 100дөй киши бөлүнгөн
Балатынын бийиктиги 25 метрге жетсе, төмөнкү жагынын диаметри 12 метрди түздү
Балатыны бизге Кытай белек кылды
16-декабрь күнү балаты орнотулуп бүттү
Ошол эле күнү бардык коммуналдык кызматтар аны кооздой башташты
"Тазалык" менен "Бишкекжарыктын" кызматкерлери күйүп-жануучу түзүлүштөрдү илишти
Жалпы жонунан балатыга 64 миң диод лампалары орнотулду
Берилген жарыктан улам андагы оюнчуктар түсүн өзгөртүп, "ойноп" жатат
Иллюминация орнотуу үчүн электр кабелдерин толугу менен алмаштырууга туура келди
Быйылкы балаты өткөн жылдагыга караганда алты метр бийик
Кыргыз оюулары менен жаңы жылдык оюнчуктар балатынын көркөмүн дагы арттырды
Расмий түрдө башкы балатынын шамдары 19-декабрь күнү жанды
31-декабрда балатынын жанында балдар ансамблдеринин жана мэрия оркестринин оюн-зоогу өтөт
