БИШКЕК, 19-дек. — Sputnik. Быйыл өткөн жылга салыштырмалуу 1,3 эсеге көп айыл чарба өсүмдүктөрү жыйналганын Улуттук статистикалык комитет билдирди.
Маалыматка ылайык, былтыр бир гектардан 18,3 центнер буудай алынса, быйыл бур көрсөткүч 25,7 центнерди түзгөн. Ал эми арпа өткөн жылга салыштырмалуу гектарынан 7 центнерге көп жыйналган.
Мындан тышкары, 1,4 миллион тонна картошка жана бир миллион тоннадан ашуун жашылча казылып алынган. Бул былтыркыга караганда 15,8 пайызга көп экени белгилүү болду.
Ал эми республика боюнча 209,4 миң мөмө-жемиш жыйналып, өткөн жылга салыштырмалуу 11,8 пайызга төмөн көрсөткүчкө жетишкен.
