БИШКЕК, 14-дек. — Sputnik. Ажылык сапарга Ош облусунан кошумча квота менен барган зыяратчылардын пайдаланылбай калган каражаттары кайтарылып берилип жатат. Бул туурасында Ош облусунун мусулмандар казыятынын маалымат кызматы билдирди.
Каражаттар ажыга барган зыяратчылар вакцина жана ажылык кийим алууга жетишпей калгандыктан улам, иштетилген эмес.
"Ош облусунун аймагынан кошумча квотанын негизинде ажыга барган ар бир зыяратчыга 45 доллардан кайтарылып берилди", — деп билдиришти казыяттан.
Быйылкы жылы Ош облусунун аймагынан кошумча квотанын негизинде 155 жаран ажылык зыяратын аткарып келишкен.
Жалал-Абад жана Баткенден Меккеге кошумча квота менен баргандарга дагы кайтарылып баштайт.
Меккеге барууну ниет кылгын кыргызстандык зыяратчылар үчүн кошумча дагы 500 орун берилген.
