ЖМК:АКШнын чалгындоо кызматы ДАИШ согушкерлеринин саны өсүшү мүмкүндүгүн эскертет

© AFP 2021 / TAUSEEF MUSTAFA"Ислам мамлекети" (ДАИШ) террористтик тобунун согушкерлери. Архив
Ислам мамлекети (ДАИШ) террористтик тобунун согушкерлери. Архив - Sputnik Кыргызстан
Жазылуу
Жаңы изилдөөдөн алынган маалыматтар АКШнын президенти Барак Обаманын террористтердин көбөйүшү токтотулганы жөнүндө жакында эле айткан сөздөрүнө каршы келет.

БИШКЕК, 7-дек. — Sputnik. АКШнын чалгынчылар коомчулугу "Ислам мамлекети" (ДАИШ) террористтик тобунун согушкерлеринин санынын өсүп кетүү коркунучу жөнүндө америкалык администрацияга эскертишти. Ак үйдүн тапшырыгы менен жасалган жаңы доклад туурасында жекшемби күнү "Дейли бист" интернет басылмасы кабарлаган.

"ИМ жөнүндөгү жаңы доклад өзүн "Ислам мамлекети" деп атап алган уюм, эгер Ирак менен Сириядагы ээлеген аймактарынын олуттуу бөлүгүн жоготуп албаса эле, бүт дүйнөгө жайылып, сан жагынан да өсө турганын Американын расмий тараптары билдирди", — деп айтылат материалда.

Анда жаңы изилдөөнүн маалыматтары АКШнын президенти Барак Обаманын "Ислам мамлекетинин" өсүшүн токтото алдык" деп жакында эле айткан сөздөрүнө каршы келе турганы баса белгиленет. 

Басылманын маалыматына ылайык, америкалык лидер документ менен таанышып чыккандан кийин "Коргоо министри Эштон Картер менен АКШнын Куралдуу күчтөрүнүн штаб башчылар комитетинин жетекчиси генерал Жозеф Данфордон аталган топту жок кылуу боюнча жаңы сунуштарды иштеп чыгууну өтүнгөн".

АКШнын чалгындоо кызматы Ирак менен Сириянын кыйрашын болжоп айтууда
Андан сырткары "мындай сунуштардын бири, өткөн жумада жарыяланган атайын бөлүктөрдү жайгаштыруу болду. Алар "Ислам мамлекетин" жок кылуу максатында Ирак менен Сирияда рейддерди жүргүзөрү" белгиленген. 

Ошону менен катар, "Дейли бистке" "аскер башчылары иш-аракеттердин кошумча варианттарын иштеп чыгуу үчүн АКШнын Куралдуу күчтөрүнүн атайын командачылыгына аскер кызматкерлеринин, дипломаттардын жана чалгынчылардын катышуусундагы ведомстволор аралык борбор түзүүнү тапшырганы" басылмасына белгилүү болгон. 

Маалыматтарда, сегиз барактан турган бул доклад болжол менен, ноябрь айында Парижде болгон терактыдан бир нече жума мурда даярдалганы баса белгиленет. 

"Бул докладда биз билбеген эч жаңы нерсе жок. Андагы көп сандагы таблицаларда дүйнө боюнча өлкөлөр жана "Ислам мамлекетине" кошулууну каалоочу тиги же бул топтор көрсөтүлөт", — деп басылмага администрациянын өкүлдөрүнүн бири айтып берген.

Материалда көрсөтүлгөндөй, Ак үй менен Пентагон бул маселе боюнча комментарий бергенден баш тарткан. АКШнын Улуттук чалгындоо кызматынын директорунун кеңсесинен өз кезегинде чалгынчылык боюнча доклад даярдалган фактыны ырасташты. 

Жаңылыктар түрмөгү
0
Алгач жаңыларыАлгач эскилери
loader