БИШКЕК, 7-ноя. — Sputnik. Сириядагы атышууларды токтотуу АКШга жана анын өнөктөштөрүнө, ошондой эле Россияга ДАИШ террордук тобуна каршы биргеликте күрөшүү мүмкүнчүлүгүн берет. Бул тууралуу АКШ президенти Барак Обама билдирди.
"Американын жетекчилиги алдында эл аралык коомчулук Сириядагы согушту токтотууну жана саясый чечим кабыл алуунун жол-жобосун иштеп чыгууда. Бул аракеттер Сириянын калкына, биздин өнөктөштөргө, ошондой эле Россияга да ДАИШти жоготууга чогуу аракет кылууга мүмкүнчүлүк берет", — деген пикирин Обама американын элине телеберүү аркылуу кайрылып жатып билдирди.
Буга чейин бир катар мамлекеттер "Ислам мамлекети" террордук тобунун исламга эч кандай тиешеси жоктугун, андыктан аны ДАИШ деп атоону сунуштаган. Учурда Сириянын аймагынан согушкерлер жашынган аймактарга Россия, Англиянын жана башка чет элдик күчтөр аба соккуларын жасоодо.
