БИШКЕК, 3-дек. — Sputnik. Террористтердин нефтиси Түркияга келип жатканын тастыктай турчу бардык далилдер Бириккен Улуттар Уюмуна жана кызыктар болгон бардык тарапка бериле турганын Россиянын Тышкы иштер министри Сергей Лавров билдирди.
"Террористтер тарабынан Сирия менен Ирактагы басып алынган кендердеги нефть чет жакка кетип жатат, өзгөчө Түркияга. Биз бул тууралуу бир канча жолу айттык жана далилдерди келтирдик. Эми булардын бары расмий түрдө Бириккен Улуттар Уюмуна жана кызыктар болгон бардык тарапка берилет", — деди Лавров.
Россиянын Башкы штабынын төрагасы Сергей Рудской ДАИШтин Батыш каналы боюнча мыйзамсыз келген нефтиси Жер ортолук деңиздеги Түркиянын жээктерине чыгарын айткан. Ал эми түндүк жагынан болсо нефтини кайта иштетүүчү Патма заводуна келсе, чыгыштан Жазри калктуу конушуна келерин кошумчалаган.
