БИШКЕК, 3-дек. — Sputnik. Кыргызстандык бильярдчы Каныбек Сагынбаев Томск шаарында өтүп жаткан "Эркин пирамида" боюнча дүйнө чемпионатында молдовалык Владимир Рейсти 7:2 эсеби менен жеңип алды.
Бүгүн, бейшемби күнү Сагынбаев кийинки айлампага чыгуу үчүн россиялык Андрей Фрейзе менен беттешет.
Кыргызстандын атынан катышып жаткан башка спортчулар жеңилүүгө дуушар болушту. Чемпионат 5-декабрда соңуна чыгат. Байге фонду 1,5 миллион россиялык рублди түзөт.
