БИШКЕК, 2-дек. — Sputnik. ДАИШтин Сирия менен Ирактан уурдаган нефтилеринин үч мыйзамсыз каналы Түркияга келип такалат. Бул тууралуу РФтин Куралдуу күчтөрүнүн Башкы штабынын ыкчам башкармалыгынын жетекчиси Сергей Рудской билдирди.
"Сирия менен Ирактагы каракчы топтордун көзөмөлүндөгү аймактардан алынган нефтилер негизги үч канал Түркияга келип такалат", — деди Рудской.
Анын айтымында, ДАИШтин Батыш каналы боюнча мыйзамсыз келген нефтиси Жер ортолук деңиздеги Түркиянын жээктерине чыгат. Ал эми түндүк жагынан нефтини кайта иштетүүчү Патма заводуна келет. Чыгыш жактан болсо Жазри калктуу конушуна келет.
Далил катары Россиянын коргоо министрлиги спутниктен тартылган сүрөттөрдү көрсөттү. Анда ДАИШтин көзөмөлү алдындагы аймактардан бензовоздордун Түркиянын аймагына бара жатканы даана көрүнүп турганын орус аскерлери билдирди.
