Диний экстремизмге шектелген жаран милицияга пара берип жатып кармалды

Жазылуу
Ноокат районунун тургуну буга чейин козголгон кылмыш ишин "жабууну" суранып, укук коргоо органынын өкүлүнө пара сунуштаган.

БИШКЕК, 1-дек. — Sputnik. Ош шаарында милиция кызматкерине ишти оң жагына чечип берүү үчүн 500 доллар  пара сунуштаган диний экстремистке карата кылмыш иши козголгонун ИИМ билдирди.

Акча берүү. Архив - Sputnik Кыргызстан
Жасалма диплому аныкталып калган мугалим милицияга пара берип жатканда кармалды
Маалыматка ылайык, Ноокат районунун 46 жаштагы жаранына буга чейин "Диний кастыкты жаратуу" беренеси боюнча кылмыш иши козголгон. Ал дал ушул ишти оң жагына оодаруу үчүн пара сунуштап, анын 10 миң сомун берип жаткан жеринен кармалган.

Прокуратуранын уруксаты менен жүргүзүлгөн тинтүүдөн аталган жарандын үйүнөн Калашников автоматынын бир магазини, 30 огу, Макаров тапанчасынын октору жана тыюу салынган "Хизб ут-Тахрир Аль Исламия" диний-экстремисттик уюмуна тиешелүү баракчалар, адабият табылган.

Табылган буюмдарга карата баллистикалык жана теологиялык экспертиза дайындалып, тергөө амалдары жүрүп жатат.

Жаңылыктар түрмөгү
0