БИШКЕК, 30-ноя. — Sputnik. Талас ОИИБдин убактылуу кармоо жайында эки жаран 20 күндөн ашык мыйзамсыз камалып турганын Акыйкатчы институту аныктаган. Бул тууралуу омбудсмендин маалымат кызматы билдирди.
Акыйкатчы аппаратынын кызматкерлери Кыйноолордун алдын алуу улуттук борбору менен биргеликте Талас ОИИБдин убактылуу кармоо жайларына мониторинг кылышкан.
20 Жетинин айы 2015, 13:08
Текшерүү маалында аныкталгандай, Талас шаардык соту Чүй облусунун Петровка жана Ново-Покровка айылындагы түзөтүү колониясында жаза мөөнөтүн өтөп жаткан эки жарандын Таластагы сотко келүүсүн камсыздоону облустук ИИБдин жетекчисине жана шаардык прокурорго тапшырган.
Бирок соттун чечиминде жарандар сот аяктагандан кийин Талас ОИИБдин убактылуу кармоо жайында камалышы жөнүндө сөз жок. Ага карабай, эки жаран убактылуу кармоо жайында 20 күндөн ашык отурган.
Аталган факты боюнча Акыйкатчы аппаратынын кызматкерлери Талас облустук прокурорунун орун басарына жана Талас ОИИБдин убактылуу кармоо жайларын караган жетекчисине юридикалык баа берүү үчүн кайрылышты.
