БИШКЕК, 29-ноя. — Sputnik. Президент Алмазбек Атамбаев бүгүн иш сапар менен Францияга жөнөп кетти. Бул туурасында президенттин маалымат кызматы билдирди.
Сапардын алкагында 30-ноябрда Мамлекет башчысы Бириккен Улуттар Уюмунун климаттын өзгөрүшү боюнча Рамкалык Конвенциясынын Тараптарынын 21-Конференциясынын ачылышына катышат.
Бул Конференциянын ишине дүйнөнүн 140тан ашуун өлкөсүнүн мамлекет жана өкмөт башчыларынын катышуусу күтүлүүдө.
Кыргызстандын президенти Алмазбек Атамбаев Европа өлкөлөрүнө болгон расмий сапарынын алкагында
2015-жылдын 24-мартында Францияга да барган.
