БИШКЕК, 28-ноя. — Sputnik. Кыргызстандык Евгений Ваккер бир нече күнгө созулган Sharjah Tour веложарышына катыша турганын Мамлекеттик жаштар иши, дене тарбия жана спорт агенттиги билдирди.
Жарыш бүгүн Бириккен Араб Эмирлигинде башталат. Катышуучулар 800 чакырымдык жолду төрт этапта велосипед тээп өтүүсү шарт. Буга 100 профессионалдуу спортчулар катышмакчы.
Сегиз профессионалдык клубдан тышкары жарышка Гонконг, БАЭ, Бахрейн, Өзбекстан, Алжир, Сауд Аравиясы, Египет жана Марокконун улуттук командалары ат салышат.
Кыргызстандык Ваккер өзүнүн "Kuweit Cycling Project" клубунун намысын коргойт.
