БИШКЕК, 25-ноя. — Sputnik. Түрк бийлиги өлкөнүн аскердик аба күчтөрү россиялык аскер учагын атып түшүргөнүн РФтин Коргоо министрлиги ырастагандан кийин гана билген деди Түркиянын президенти Тайып Эрдоган Стамбулда өткөн эл аралык ислам экономикалык конгрессинде.
"Учак Россия Федерациясына тиешелүү экени РФ бийлиги айткандан кийин гана белгилүү болду", — деди Эрдоган.
Ал эки аскер учагы Түркиянын аба мейкиндигине кирип келип, бирөө кайра учуп кеткенин жана экинчиси атып түшүрүлгөнүн айтты.
"Кечээ кайсы мамлекетке тиешелүү экени белгисиз эки учак Хатай провинциясында биздин аба мейкиндиктин чегин бузуп киришип, аларга биздин аскерлер 10 жолу эскертүү беришкен. Ошондон соң учактардын бири биздин аймактан кетип, экинчиси болсо кулак салган эмес. Биздин чек араны көзөмөлдөөчү F-16 үлгүсүндөгү учагы ага ок чыгарган", — деди Эрдоган.
