БИШКЕК, 24-ноя. — Sputnik. Кыргызстандын мектептеринде жакын арада электрондук китепкана жана окуу материалдарынын базасы иштей турганын Билим берүү жана илим министрлиги билдирди.
Маалыматка ылайык, жалпы жонунан 116 электрондук китепкана түзүү пландаштырылууда. Кыргызстандык бардык аймагын камтуу максатында 20 мектепке бирден китепкана туура келгидей кылып грант бөлүштүрүү каралган.
Электрондук китеп менен окуу материалдарынын базасы сабактардан, энциклопедия, видиотека жана аудиотекадан турат. Техникалык жактан мүмкүнчүлүгү кеңири мектептер жеке ресурстарды колдонуу менен өздүк электрондук китепкана түзсө боло турганы айтылууда.
Министрлик мындай аракет окуу материалдарынын жетишсиздигин жана мектептердин билим берүү ресурстарына жеткиликтүүлүгүн шарттай турганын белгилөөдө.
