БИШКЕК, 22-ноя. — Sputnik. КР өкмөтүнүн алдында балдардын укуктары боюнча координациялык кеңеш түзүлө турганын өкмөттүн маалымат кызматы билдирди.
Кеңеш түзүү боюнча чечим өкмөт мүчөлөрүнүн жума күнү болгон жыйынында кабыл алынды.
Сариев ошондой эле, өспүрүмдөргө карата кылмыш кылгандарды жазалоону катуулатуу үчүн учурдагы мыйзамга өзгөртүү киргизүү процессин ыкчамдатып, аны Жогорку Кеңештин кароосуна алып чыгууну тапшырды.
"Балдарга карата кылмыштар алар коопсуз деп саналган жерде – үй-бүлөдө көп жасалып жатканы баарыбызга маалым. Анын кесепетинен балдардын психикасы бузулуп, келечегине терс таасирин тийгизет", — деди Сариев.
Өкмөт башчы ошондой эле, Социалдык өнүгүү министрлигинде оор турмуш шартта жашаган балдардын электрондук базасы болушу керектигин баса белгиледи.
