БИШКЕК, 17 ноя — Sputnik. Кыргызстандын курама командасы Иорданияны 1:0 эсебинде утуп алды. Командалар 2018-жылы боло турчу
Дүйнөлүк чемпионаттын тандоо раунддарынын алкагында беттешти.
Биринчи таймда оюн эсеби 0:0 менен аяктаган. Бирок, экинчи таймдын башында жарым коргоочу Антон Землянухиндин атаандашынын дарбазасына тепкен тобу эсепти ачты.
Иорданиялыктар эсепти теңөөгө аракет кылды. Бирок, майнап чыккан жок. Ошондой эле, кыргызстандыктардын да бир нече жолу гол киргизүүгө мүмкүнчүлүгү болгону менен аны колдоно алышкан жок.
Ошентип, иорданиялыктар 13 упай топтосо, Кыргызстандын курама командасы 11 упай топтой алды. "В" тайпасында 15 упай менен австралиялыктар биринчи келе жатса, экинчи жана үчүнчү орунда Иордания менен Кыргызстан турат. Төртүнчү орунда Тажикстан (5 упай) жана акыркы орунду 1 упай менен Бангладеш ээледи.
Футбол боюнча Дүйнөлүк чемпионат 2018-жылы Россияда өтөт.
