БИШКЕК, 17-ноя. — Sputnik. Sputnik Эл аралык маалымат агенттиги жана радиосу бүгүнкү Кыргызстан — Иордания беттешүүсүн түз алып көрсөтөт.
Дүйнө чемпионатынын тандоо турунун алкагындагы оюн Бишкектин Дөлөн Өмүрзаков атындагы стадиондо саат 20.00дө башталат.
Көрөрмандар оюнга www.sputnik.kg жана www.ru.sputnik.kg сайттарынан саат 20.00дө күбө боло алышат.
Мындан тышкары Sputnik агенттиги беттешүүнүн тексттик трансляциясын берет.
Sputnik — ондогон өлкөлөрдө мультимедиялык маалыматтык хабдарга ээ маалымат агенттиги болуп саналат. Sputnik өзүнө сайттарды, аналогдук жана санарип радиоберүүнү, мобилдүү тиркемелерди жана социалдык тармактарда баракчаларды камтыйт. Атайын жазылгандар үчүн Sputnik күнү-түнү англис, араб, испан жана кытай сыяктуу 35 тилде маалыматтарды таратат.
