Аксыда эшектин териси баа болуп жатат

© Sputnik / Руслан Кривобок / Медиабанкка өтүүЭшек. Архив
Эшек. Архив - Sputnik Кыргызстан
Жазылуу
Кармалгандардын айтымында, алар жергиликтүү тургунга эшектин бир терисин 2000 сомдон өткөрүп келишкен. Талаада жүргөн эшектерди бир жерге топтоп, аларды өлтүргөндөн кийин терилерин сыйрып алышчу.

БИШКЕК, 16-ноя. — Sputnik. Жалал-Абаддын Аксы районунда эшектерди союп, терисин сыйруу менен алектенген жарандардын өздүгү такталганын ИИМ билдирди.

Оштогу жүздөн ашык эшектин ээси кытайлык жаран болуп чыкты
Буга чейин аталган райондо териси сыйрылган эшектердин тушу табылганы жарыяланган. Бул факт боюнча милиция кызматкерлери ыкчам-иликтөө аракеттерин жүргүзүп, эшек союу менен алектенген Капчыгай айылынын 25 жана 21 жаштагы тургундарын кармашкан. Маалыматка ылайык, алардын арасында бир мектеп окуучусу да болгон.

Кармалгандардын айтымында, алар жергиликтүү тургунга эшектин бир терисин 2000 сомдон өткөрүп келишкен. Талаада жүргөн эшектерди бир жерге топтоп, аларды өлтүргөндөн кийин терилерин сыйрып алышчу. Буга чейин беш эшекти өлтүрүшсө, бу жолкусунда сегиз эшектин терисин сыйрып алышкан. Ал эми жаныбарлардын тушу ошол эле жерде калган.

Учурда териштирүү иштери жүрүп жатат. Маалыматта бир да жергиликтүү тургун бул боюнча арыз менен милицияга кайрылбаганы айтылат.

Жаңылыктар түрмөгү
0