БИШКЕК, 16-ноя. — Sputnik. Токтогул районунда Бишкек — Ош унаа жолунун 264-чакырымында келе жаткан май ташуучу 40 тонналык унаа "Чычкан" суусуна кулап, ичиндеги көк май дарыяга төгүлгөнүн ӨКМ билдирди.
Маалыматка ылайык, үстүбүздөгү жылдын 14-ноябрында кечки саат 9.30да болгон кырсыктан үч адам жабыркап, алар райондук ооруканага жеткирилген.
Окуя болгон жерге куткаруучулар барып, куткаруу жана өрттүн алдын алуу иш-чараларын аткарып, экология-техникалык инспекциянын адистери, жол кайгуул кызматкерлери тактоо-иликтөө иштерин жүргүзүшкөн.
