БИШКЕК, 15-ноя. — Sputnik. Саламаттык сактоо тармагындагы мыйзам бузуулар тууралуу жарандар эми министрликтин жетекчилерин WhatsApp тиркемеси аркылуу кабардар кыла алышат. Бул тууралуу Саламаттык сактоо министрлиги билдирди.
Маалыматка ылайык, жарандар дарыгерлердин жана орто медициналык персоналдын жардам көрсөткөндүгү, справка, рецепт, багыттама бергендиги үчүн акча талап кылуусу тууралуу министрликке билдире алышат.
Мындан тышкары, медициналык мекемелердин талапка жооп бербеген абалы тууралуу дооматтар кабыл алынат.
Доо арыздарын жарандар саламаттык сактоо министринин кеңешчисинин 0556 382382 номерине жөнөтүү сунушталууда.
