Баткенде медресе студенттерин терроризм, экстремизмден алыс болууга үндөштү

Жазылуу
Баткен аймагында терроризм, экстремизмге тартылып кетүүнүн алдын алуу багытында жаштар арасында профилактикалык иш-чара болуп өттү.

БИШКЕК, 14-ноя. — Sputnik. Баткен шаарындагы "Муъаз ибн Жабал" медресесинде экстремизм, тероризм багыттарындагы уюмдарга тартылып кетүүнүн алдын максатындагы жыйын өтүп, ага студенттер, жаштар чакырылды. Бул туурасында Баткен облустук мусулмандар казыятынын маалымат кызматы билдирди. 

Жыйын ислам динин терең таанып жана радикалдык уюмдарды башкалардан ажырата билүү үчүн маалыматтарды берүү максатын көздөдү.

УКМКнын аталган облустагы өкүлү жана облустук мечит-медресе бөлүмүнүн башчысы жаштарга аталган багытта маалыматтарды беришти. 

"Жыйындын максаты ислам дини экстремизм жана тероризм эмес экендигин студенттерге түшүндүрүп, маалымдоо", — деди медресе мүдүрү Султанмурат Исраев. 

Мечитте намаз окуу. Архив - Sputnik Кыргызстан
Баткен казыятынын өкүлү: каттоосу жок болсо, жаңы мечиттер ачылбайт
УКМК өкүлү жаштарды туура багытка үгүттөгөн видео ролик көрсөтүп, экстремизм, тероризм жана Кыргызстанда тыюу салынган туура эмес агымдар туурасында айтып берди.

Облустук казыяттын мечит-медресе бөлүм башчысы Заирбек Жайнаков "Ислам экстремизм жана тероризм эмес, экстремизм жана тероризм Ислам эмес" темасында лекция окуду. Жыйындын соңунда лекторлор студенттердин суроолоруна жооп берди.

Жаңылыктар түрмөгү
0