БИШКЕК, 10-ноя. — Sputnik. Таласта жолдорду курууга каражат жетиштүү экенин премьер-министр Темир Сариев облуска болгон иш сапары учурунда билдирди.
Өкмөт башчы ички жолдордун курулушу менен таанышып чыкты.
"Жер-Үй" кенинен жергиликтүү бюджетке 175 миллион сомдон бөлүнгөн. Демек акча бар. Башкысы — колдогу каражатты туура пайдалануу", — деди премьер-министр.
Сариев иш сапарынын алкагында 30 көп кабаттуу үйдү жылуулук менен камсыздаган "Жылуулуккоммунэнерго" компаниянын ишин көрдү.
Өкмөт башчы жолугушуу учурунда жакын арада Таласта таланттуу балдар үчүн мектеп-интернаттын курулушу баштала турганын кошумчалады.
