"Ислам мамлекети" ФБР менен ЦРУнун башчыларынын телефонун элге жайып жиберди

БИШКЕК, 10-ноя. — Sputnik. "Ислам мамлекети" террордук уюмун колдогон хакерлер Twitter тармагындагы 54 миң колдонуучунун баракчасын талкалап кирип, ЦРУ, ФБР жана Коопсуздук боюнча улуттук комитеттин жетекчилеринин жеке телефондорун коомчулукка жарыялады. Мунусу менен алар Сирияда жакында эле жок кылынган өздөрүнүн согушкеринин өлүмү үчүн өч алууга ниеттенген. Бул туурасында англис тилдүү The Daily Mail басылмасы билдирди.

Басылма, "Киберхалифат" деп аталган хакерлер тобу Сирияда жок кылынган санаалаштарынын бири — Жунайд Хуссейн үчүн өч алууга ниеттенгендигин билдирди. Хуссейн АКШнын борбордук командачылыгынын жана Newsweek жана International Business Times сайттарын талкалоого катышкандыгы маалымдалат. Мындан сырткары ал Британия ханышасы Елизавету II жана Британия монархиясынын башка мүчөлөрүнө кол салуу даярдоого катышкан деп шектелген. 

"Киберхалифаттын" Twitter-аккаунтунда 1-ноябрда талкаганган сайттын маалыматтарына шилтемелер чыккан. Шилтеме эки саат бою Twitter социалдык тармагында илинип турган. Качан гана коопсуздук кызматтары аларга үстөккө-босток чала баштаганда Twitter жетекчилиги маалыматты жапкан. 

Басылманын маалыматына караганда, кыязы, террорчулар Twitter колдонуучуларын "Ислам мамлекетинин" идеяларына үндөөгө ниеттенишкен.