БИШКЕК, 7-ноя. — Sputnik. Кыргызстан менен Индонезиянын өкүлдөрү эки тараптуу кызматташуунун бир катар маанилүү маселлерин талкуулашканын Тышкы иштер министрлиги билдирди.
Министрликтин алдындагы Азия жана Африка боюнча департамент директору Жээнбек Кулубаев менен Индонезиянын ТИМи Тынч океан жана Африка өлкөлөрү менен кызматташуу боюнча башкы директор Юри Тамриндин ортосундагы сүйлөшүү жума күнү Бишкекте өттү.
Жолугушууда Жакынкы Чыгыш жана Түндүк Африка аймагындагы кырдаалды жөнгө салуу, ириде "Ислам мамлекети" террористтик уюмга каршы аракеттерге басым жасалды.
Сүйлөшүүдөрдүн жыйынтыгы менен саясий консультациялар тууралуу протокол менен кызматташуу боюнча меморандумга кол коюлду.
