БИШКЕК, 7-ноя. — Sputnik. Лейлекте коомдук жана мамлекеттик ишмер, Кыргыз Эл баатыры Исхак Раззаковдун 105 жылдыгына арналган илимий-практикалык конференция болуп өткөнүн өкмөттүн Баткен облусундагы өкүлчүлүгү билдирди.
Маалыматка ылайык, иш-чарага катышкандар өз ой-пикирлерин ортого салып, улуу инсандын басып өткөн өмүр жолун, элге жасап кеткен эмгектерин эскеришти.
Конференциянын жыйынтыгы менен резолюция кабыл алынып, окуу жайларда Исхак Раззаковдун туулган күнүн жыл сайын 25-октябрда салтанаттуу белгилөө, ЖОЖдордогу жана мектептердеги мыкты студент-окуучулар үчүн Исхак Раззаков атындагы стипендия, сыйлыктарды киргизүү кыргыз өкмөтүнө, билим жана илим министрлигине сунуштоо демилгеленди.
Исхак Раззаков 1910-жылы 25-октябрда Лейлек районунун Кулунду айылында туулуп, 1979-жылы 19-мартта Москва шаарында каза болгон.
