БИШКЕК, 6-ноя. — Sputnik. Каракол шаарында көп тилдүү мектептерде иш алып барган тилчи мугалимдердин билимин жогорулатуу максатында атайын курс башталганын Билим берүү жана илим министрлиги билдирди.
Маалыматка ылайык, учурда төрт пилоттук мектептин 28 мугалими квалификациясын жогорулатып жатат. Курс 48 саатка эсептелип, эки теоретикалык жана практикалык модулду камтыган.
"Курстун экинчи тилди окутуунун коммуникативдик ыкмаларына арналган. Анда тил үйрөтүүдө пайдаланылуучу ресурс, технологиялардын баасы менен шык-жөндөмдү өстүрүүгө басым жасалат", — деп айтылат билдирүүдө.
Программа жана курстун мазмуну Латвия, Эстония, Россия жана Казакстандын эл аралык эксперттеринин материалдарынын негизинде даярдалган.
