"Өткөн парламенттик шайлоодо көрдүңөр, айрым партиялар формалдуу түрдө мыйзамды, Конституцияны бузбаганы менен иш жүзүндө партиялык шайлоону мажоритардык жол менен өткөрдү. Демек, азыркы Конституциядан жылчык таап, мыйзамды буйтап өтө турган "тың" жигиттер бизде аз эмес", — деди Атамбаев.
Азыркы Конституцияда бир топ карама-каршылыктар болгондуктан, мындай көрүнүштөргө туруштук бере албайт деген пикирин билдирди.
"Президенттин укугун азайтып, накта парламенттик башкарууга өтүп башташыбыз керек. Болбосо элдин шоруна калабыз!", — деди президент.
Ал депутаттарга кайрылып, маселени кылдат карап чыгып, элдин талкуусуна коюу зарылдыгын айтты.
