БИШКЕК, 4-ноя. — Sputnik. Токтогул Сатылганов атындагы Улуттук филармониянын чоң залында Россия элдик биримдик күнүнүн урматына ири программадагы концерт болуп өттү.
Майрамдык иш-чараны Россиянын Кыргызстандагы элчилиги, Россия кызматташтыгынын мамлекеттеги өкүлчүлүгү жана "Русское достояние" коомдук фонду уюштурду.
Концертте эл назарына Бишкек мэриясынын симфониялык оркестри, филармониянын мамлекеттик камералык оркестри, Белгород филармониясынын солисти Сергей Сторожилов менен Абдылас Малдыбаев атындагы опера жана балет театрынын солисти Ирина Рыбинанын өнөрлөрү тартууланды.
Майрам 2005-жылдан тарта жыл сайын белгиленип келет.
