БИШКЕК, 4-ноя. — Sputnik. Бүгүнкү күндө Россиянын "мунапысынан" кийин Федералдык миграция кызматынын "кара тизмесинде" 15 миң кыргызстандык жаран бар экенин премьер-министрликке талапкер Темир Сариев Жогорку Кеңеш жыйынында билдирди.
Буга чейин Россиянын Федералдык миграция кызматынын "кара тизмесинде" 75 миңден ашуун кыргызстандык катталган.
Анын айтымында, мындан сырткары 30 миңден ашуун мигрант легалдашкан, калганы боюнча маселе чечилип жатат.
2015-жылдын июнь айында Россиянын миграциялык мыйзамын бузган кыргызстандык жарандарга легалдашуу үчүн 10-июлдан баштап 1-ноябрга чейин өлкөдөн чыгып кайра кирүүгө уруксат берилген.
Эмгек мигранттары "кара тизмеден" кантип чыга алат экенин Sputnik инфографикасында көрө аласыздар>>
Россиянын ФМКнын «кара тизмесинен» кантип чыгууга болот
