БИШКЕК, 4-ноя. — Sputnik. Учурда өкмөт аппаратынын автопаркында унаа аз, алардын саны эми мындан да кыскара турганын Жогорку Кеңештин жыйынында премьер-министрликке талапкер Темир Сариев билдирди.
Анын айтымында, аппарат автопарктагы 16 унаанын саны беш эсе азаят.
"Оптимизация жүргүзүп, үч эле унаа калтыралы деп жатабыз. Алар кезек менен нөөмөттө болот. Калганынан унаа компенсация төлөп беребиз. Сизде баштадыңыздар, биз уланттык", — деди Сариев.
Буга чейин ЖК фракцияларынын баары кызматтык унаа, турак-жай, жардамчы, медициналык тейлөө сыяктуу артыкчылыктардан баш тарта тургандыктары тууралуу билдиришкен.
