БИШКЕК, 3-ноя. — Sputnik. УКМК экстремизмге шектелген Россиянын 24 жаштагы жаранын кармаганын аталган мекеме билдирди.
Маалыматка ылайык, аталган жаран Кыргызстандын кылмыш жаза кодексинин "Экстремисттик материалдарды сатып алуу, даярдоо, сактоо, жайылтуу, ташуу жана жиберүү, ошондой эле экстремисттик уюмдардын символдорун же атрибуттарын атайылап колдонуу" беренесинин негизинде изделип колго түшкөн.
Россиялык жарандын жанынан экстремисттик мүнөздөгү тыюу салынган пропагандалык сүрөт, көрмө жана башка материалдар табылып, алар процессуалдык түрдө алынды.
Азыркы маалда тиешелүү тергөө-ыкчам иш-чаралары жүрүп жатат.
