БИШКЕК, 2-ноя. — Sputnik. Иштебеген адамдарды тизмеге киргизип, жасалма документтердин негизинде алардын айлыгын алып келген №46 мектептин жетекчилигине кылмыш иши козголгонун Башкы прокуратура билдирди.
16 Тогуздун айы 2015, 10:44
Маалыматка ылайык, укук коргоо органдарына аталган мектепти башталгыч класста окуган балдардын ата-энелеринин арызынын негизинде текшерген. Мындан улам №46 мектептин директору өзүнүн орун басарлары менен жең ичинен сүйлөшүп, жакын туугандарын башталгыч класстын мугалими жана китепканачы катары киргизип, алардын айлык акыларын өздөрү алып турушканы аныкталган.
Мындай аракеттен улам мамлекет казынасына 252 миң сомдон ашуун материалдык зыян келтирилген.
Аталган кызматкерлерге карата Свердлов районунун прокуратурасы тарабынан "Кызмат абалынан кыянаттык менен пайдалануу" жана "Документтерди жасалмалоо" беренелеринин негизинде кылмыш иши козголду.
Учурда тергөө амалдары жүрүп жатат.
