БИШКЕК, 1-ноя. — Sputnik. Азербайжанда 5,5 миңден ашык шайлоо участкалары ачылып, парламенттик шайлоо өтүп жатканын өлкөнүн Борбордук шайлоо комиссиясы (БШК) билдирди.
БШКнын маалыматына ылайык, парламенттеги 125 орунга 769 талапкер ат салышууда. Башкача айтканда бир орунга алтыдан талапкер туура келет. Шайлоого 15 партия жана курамында жети партия болгон "Азадлыг-2015" блогу катышууда.
БШК 63 миңден ашык жергиликтүү байкоочуну жана 500гө жакын чет элдик байкоочуларды каттады.
Азербайжандын парламенти – Милли Межлис бир палаталуу мыйзам чыгаруучу орган болуп саналат. Анда 125 депутат бар. Алар мажоритардык система аркылуу шайланат. Өлкөнүн аймагы бир мандаттуу 125 округга бөлүнгөн. Талапкерлерди партиялар жана саясий блоктор, демилгелүү топтор көрсөтө алат. Ошондой эле өзүн-өзү көрсөтүү да каралган.
