БИШКЕК, 31- окт. — Sputnik. Россиялык жүргүнчү ташыган учактын сыныктары ишемби күнү Египеттин Синай жарым аралынан табылды. Бул туурасында "Йоум7" порталы билдирди.
"Шарм эш-Шейх — Санкт-Петербург" аба каттамы менен чыккан учак 217 кишиси менен радардан жок болуп кеткен.
Буга чейин Росавиациядан "Шарм эш-Шейх — Санкт-Петербург" рейси менен чыккан "Когалымавиа" компаниясына тиешелүү Airbus-321 лайнери 23 мүнөттөн кийин радардан көрүнбөй жаткандыгын кабарланган.
Египеттик "Масрави" интернет-порталы жергиликтүү авиация жоголгон россиялык учакты издөө операциясын баштагандыгын билдирди.
Лайнер абага көтөрүлгөндөн кийин учкуч диспетчерге техникалык жактан көйгөй болуп жатканын билдиргендигин Шарм-Эш-Шэйхтеги булактар билдирген деп жазды РИА. Анын Каирге конууга уруксат сураганы да айтылууда.
