БИШКЕК, 29-окт. — Sputnik. "Орок" подстанциясында чыккан өрттүн кесепетинен жарыксыз калган "Көк-Жар" айылына, "Алтын-Ордо" жана "Көк-Жар" жаңы конуштарына электр энергия берилгенин "Кыргызстандын улуттук электр тармагы" ишканасы билдирди.
Өрт 27-октябрь күнү подстанциянын 10 киловаттык жабык бөлүштүрүүчү түзүлүшүндө чыккан. Мунун натыйжасында эки секция жабыр тартып, аталган аймактар жарыксыз калган. Кырсыктын кесепеттерин жоюуда төрт бригада иш алып барды.
Мекеме буга чейин жарык кечээ кечинде бериле турганын маалымдаган.
