БИШКЕК, 27-окт. — Sputnik. Кыргызстандын футбол боюнча (U-16) курама командасы тарыхта биринчи жолу Азия чемпионатынын финалдык айлампасына чыкканын Футбол федерациясы билдирди.
16 Аяк оона 2015, 22:22
Бир тайпага кирген Иордания, Оман, Непал жана Кыргызстан командаларынын беттеши сентябрь айында Бишкек шаарында өткөн.
Азиялык конфедерациянын маалыматы боюнча Непалдын командасы жаш курак боюнча бекитилген шарт-талапты бузгандыгы үчүн дисквалификацияланган.
Мындан улам Кыргызстан экинчи орундан биринчиге көтөрүлүп, финалдык раундга чыкты. Буга команданын Иордания футболчулары менен болгон оюнда жеңишке жетишкени да өбөлгө болду.
2016-жылы Индияда өтө турган Азия чемпионатынын финалдык бөлүгүнө 11 тайпа жана өз тобунда экинчи орунга ээ болгон төрт команда чыкты.
