Табигый кырсыктардан Азия мамлекеттердин жашоочулары көбүрөөк жабыркайт

© REUTERS / Ivan AlvaradoЧилиде болгон зилзала учурунда. Архив
Чилиде болгон зилзала учурунда. Архив - Sputnik Кыргызстан
Жазылуу
Окумуштуулар жаратылыш кырсыктарынан жапа чеккендердин 80 пайызы өнүгүп келе жаткан өлкөлөрдүн жашоочулары экенин аныктап чыгышкан. Акыркы жыйырма жыл ичинде техногендик жана табигый кырсыктардан үч миллиондон ашуун адам каза болуп, дагы 800 миллионго чукул жашоочу жаракат алган.

БИШКЕК, 25-окт. — Sputnik. Табигый кырсыктардын натыйжасында социалдык жоготууларга негизинен өнүгүп келе жаткан өлкөлөр, биринчи кезекте Азия мамлекеттери дуушар боло турганын окумуштуулар жарыялашты.

Москвада октябрдын орто ченинде табигый кырсыктарды башкаруу жаатындагы адистердин катышуусу менен эл аралык конгресс өтүп, анда кооптуу жаратылыш көрүнүштөрү менен ири техногендик кырсыктардын саны көбөйүп жатканы белгиленген. Бул калк жана экономиканын объектилери үчүн коркунуч туудуруп жатканы айтылды.

"Мындан көбүнесе өнүгүп келе жаткан мамлекеттер, өзгөчө Азия өлкөлөрү көбүрөөк жапа чегишет. Каза болгон жана жабыркагандардын 80 пайызы дал ушул аймактын жашоочулары болуп эсептелет. Өнүккөн өлкөлөргө караганда орто деңгээлдеги мамлекеттерде 50 эсе көп адам өлөт", — деп айтылат билдирүүдө.

Акыркы жыйырма жыл ичинде техногендик жана табигый кырсыктардан үч миллиондон ашуун адам каза болуп, дагы 800 миллионго чукул жашоочу жаракат алган.

Жаңылыктар түрмөгү
0