Соцтармактарда "Ак илбирсти сактайлы" акциясы өтүүдө

© Sputnik / Владимир Пирогов / Медиабанкка өтүүАк илбирс. Архив
Ак илбирс. Архив - Sputnik Кыргызстан
Жазылуу
Акцияга катышуу үчүн социалдык тармакка сүрөт менен #сохранимснежногобарса хэштегин жайгаштыруу керек.

БИШКЕК, 21-окт. — Sputnik. Социалдык тармактарда #сохранимснежногобарса тармагынын пайдалануучулары катышкан акция өтүп жатат. Аны ак илбирсти жана анын экосистемасын сактоо боюнча Глобалдык программанын катышуучулары уюштурушкан.

Акция өткөн жумада башталып ак илбирстин күнү белгиленген 23-октябрда аягына чыгат.

Иш-чарага катышуу үчүн социалдык тармакка сүрөт менен #сохранимснежногобарса хэштегин жайгаштыруу керек. 

Кадимки сүрөттөр менен бирге өзгөчөлөнүп түшкөн сүрөттөр да кабыл алына берет.

Аталган акцияга жөнөкөй жарандар менен бирге ишканалар да катыша алат.

"Ак илбирс жаратылыш да коргоого муктаж экенин айгинелеп турат. Биз аны өзүбүз үчүн да, кийинки муун үчүн да сактап кала алабыз. Мамлекеттик органдардын бул багыттагы иши колдоого муктаж. Жалпы аракеттин натыйжасында гана тарыхыбыздын, күч-кубатыбыздын символу болгон ак илбирсти популяциясын калыбына келтирүүгө болот", — дешет акциянын уюштуруучулары.

Ак илбирс бүгүнкү күндө сейрек кездешүүчү же жоголуп бара жаткан түргө кирет. Бул жаныбарга аңчылык кылууга кескин тыюу салынып, эл аралык жана Кыргызстандын Кызыл китебине киргизилген. Мындан тышкары, ак илбирс жок болуп кетүү коркунучу алдында турган жапайы айбанат жана өсүмдүк түрүн эл аралык соодалоо боюнча Конвенциянын коргоосуна алынган.

Жаңылыктар түрмөгү
0