БИШКЕК, 20-окт. — Sputnik. Жергиликтүү дизайнерлердин тобу англис тилинин кыргыз тилине окшош сөздөрүн пайдалануу менен Чүй облусундагы Сокулук районунун бейрасмий логотибин иштеп чыкты. Бул тууралуу Sputnik агенттигине дизайнер Никита Тарасенко билдирди.
Анын айтымында, аталган айыл үчүн бренд достордун сүйлөшүүсү учурунда англис тилиндеги сөздөр менен ойноп жатып кокусунан табылган.
"Пайда болгон ойду ишке ашыралы деп чечтик. Бул бейрасмий логотип, балким, Сокулукту туризм жаатында өнүктүрүп, чет элдик туристтерди тартууга жардам берер", — деди дизайнер.
Тарасенко авторлор азырынча оригиналдуу лого жайгаштырылган кийим-кечени массалык түрдө чыгарууну ойлонуштура элек. Бирок аларды сатып алуучулар болсо кубанычта гана болушарын белгилейт.
"Биз азырынча Сокулуктун администрациясына эмгегибизди сунуштай элекпиз. Социалдык тармактар аркылуу таанышат деген үмүттөбүз", — дейт белгинин автору.
Дизайнер Кыргызстандын башка аймактары үчүн да атайын белги иштеп чыгуу иши улантылары мүмкүн экенин кошумчалады. Мындан улам, ар бир район өз логотибине ээ болуп, Кыргызстанды жалпы дүйнөгө таанытууга жардам берет деп эсептейт.
