Чыңгыз Айтматов атындагы жаштар сыйлыгына сынак жарыяланды

Жазылуу
Yandex newsTelegram
Калыстар тобу 20 күндүн ичинде сынакка түшкөн эмгектерди карап, мыктысын тандап алат. Ар бир тармактын жеңүүчүсүнө 40 миң сомдон сыйлык белгиленген.

БИШКЕК, 19-окт. — Sputnik. Чыңгыз Айтматов атындагы мамлекеттик жаштар сыйлыгынын кезектеги сынагы жарыяланганын Эмгек, миграция жана жаштар министрлиги билдирди.

Маалыматка ылайык, сынак 2013-2014-жылдарга карата жаштар саясатын жүзөгө ашыруу боюнча иш-чаралардын алкагында өткөрүлөт. 

Балдар үчүн чыгарма жазган акын-жазуучулардын мыктылары аталды
Сынакта адабият, музыкалык өнөр, журналистика, көркөм искусство, архитектура, театр, цирк, кино, илим, экономика, бизнес, спорт, жаштар саясаты тармагындагы эмгектер каралып, мыктылары аныкталат.

Иш-чарага эмгектер 26-октябрга чейин кабыл алынат. Жеңүүчүлөр 11-ноябрда жарыяланып, байге тапшыруу аземи Улуттук филармонияда өтөрү күтүлүүдө.

Ар бир тармактын жеңүүчүсү 40 миң сомдон сыйлык алат.

Жаңылыктар түрмөгү
0