БИШКЕК, 17-окт. — Sputnik. Атамбаев Ысык-Көл облусунун Каракол шаарындагы театрдын имаратын оңдоого үч миллион сом бөлгөнүн президенттин маалымат кызматы билдирди.
Президентинин социалдык коргоо фондунан бөлүнгөн акчага Каракол шаарындагы Касымалы Жантөшев атындагы Ысык-Көл облустук музыкалык драма театрынынын имараты капиталдык оңдоодон өтөт.
Ал эми Бишкек шаарындагы Кыргыз Улуттук Академиялык драма театры сезонду Чыңгыз Айтматовдун чыгармасынын негизинде коюлган "Чыңгызхандын ак булуту" пьесасы менен ачты.
