БИШКЕК, 16-окт. — Sputnik. КМШнын келерки саммити 2016-жылы сентябрда Кыргызстанда өтөт деп билдирди КМШнын аткаруу комитетинин төрагасы Сергей Лебедев.
"Көз карандысыз мамлекеттердин шериктештигинде 2016-жылы төрагалык кылуу маселеси каралды. Кыргыз Республикасынын президентинин сунушу менен Кеңештин кийинки отурумун 2016-жылы 16-сентябрда Кыргызстанда өткөрүү жөнүндө чечим кабыл алдык", — деди Лебедев.
Ал белгилегендей, мамлекет башчылары гана катышкан чакан отурумда кызматташтыктын көйгөйлүү маселелери туурасында ачык пикир алмашып, андан соң отурумдун күн тартибин жана регламентин аныкташкан.
"Чакан форматтагы отурумда эки билдирүү кабыл алынды. Алар БУУнун 70-жылдыгына байланыштуу жана эл аралык терроризмге каршы күрөш боюнча болду", — деди Лебедев.
