Раиса Атамбаева азык-түлүк коопсуздугун чечүү маселеси боюнча иш алып бармакчы

© Фото / пресс-служба ЮНИСЕФӨлкөнүн биринчи айымы Раиса Атамбаева. Архив
Өлкөнүн биринчи айымы Раиса Атамбаева. Архив - Sputnik Кыргызстан
Жазылуу
Кечээ Бишкекте жайгашкан БУУ үйүндө тамактануу боюнча Кыргызстандагы глобалдуу кыймылдын алкагында өлкөнүн биринчи айымы Раиса Атамбаева илимпоздор, эл аралык уюмдардын өкүлдөрү менен жолукту.

БИШКЕК, 15-окт. — Sputnik. Өлкөнүн биринчи айымы Раиса Атамбаева тамактануу боюнча Кыргызстандагы глобалдуу кыймылынын илимий коомчулугунун координатору болот. Бул туурасында БУУнун Балдар фондунун Кыргызстандагы өкүлчүлүгүнөн билдиришти.

Жарманкеде алма сатуу. Архив - Sputnik Кыргызстан
Москвалыктар кыргыз товарларын азык-түлүк жармаңкесинен сатып ала алышат
Кечээ Бишкекте жайгашкан БУУ үйүндө тамактануу боюнча Кыргызстандагы глобалдуу кыймылдын алкагында өлкөнүн биринчи айымы Раиса Атамбаева илимпоздор, эл аралык уюмдардын өкүлдөрү менен жолукту. 

БУУнун Балдар фондунун колдоосу менен өткөн бул жолугушууда азык-түлүк коопсуздугу жана тамактануу маселесин чечүүдө илимий коомчулуктун ролу талкууланды. 

Координатордун иши — азык-түлүк коопсуздугуна, тамактанууну жакшыртууга салым кошо турган илимий иликтөөлөрдү иштеп чыгуу, аны колдонуу, эл аралык тажрыйбаларды өлкөгө алып келүү жана ылайыкташтыруу. 

Жолугушууга өлкөдөгү айыл чарба, саламаттыкты сактоо, биология, тоо кендери жана башка илимий тармактар боюнча жогорку окуу жайларында сабак берген кыркка чукул окутуучулар катышты. Алар өлкөнүн биринчи айымы Атамбаеваны тамактануу боюнча Кыргызстандагы глобалдуу кыймылдын илимий коомчулугунун координаторлугуна талапкерлигин көрсөттү. 

Нан азыктары. Архив - Sputnik Кыргызстан
Сариев: элдин азык-түлүктү пайдалануу маданиятын өзгөртүү керек
Жолугушууда илимпоздор ар кыл секторлордогу (медицина, биология, айыл чарбасы, ветеринария дагы бир топ тармактарда) илимий коомчулуктун тамактанууга байланышкан маселеде өз ара кызматташып жана эриш аркак болуп иштешкен системанын жоктугун белгилешти. 

Алар азык-түлүк коопсуздугун жана тамактануу маселеси ар тараптан жасалган мамилелерди талап кылат дешти. Буга кошумча, муну чечиш үчүн ар бир тармактын өкүлдөрүнүн — өкмөттүн, жеке сектордун, эл аралык уюмдардын биргелешип иштеп чыккан сунуштары зарылдыгын айтышты.

Жаңылыктар түрмөгү
0