БИШКЕК, 15-окт. — Sputnik. Коргоо министрлигине караштуу "Аскер соода башкармалыгы" мамлекеттик ишканасынын Оштогу филиалынын жооптуу кызматкерлери 700 миң сомдун тегерегиндеги каражатты өзүнө ыйгарып алганы аныкталды. Бул тууралуу УКМК билдирди.
Маалыматка ылайык, 2012-2013-жылдардын аралыгында кассага түшпөстөн, 439,4 миң сом эсептен чыгарылган. Мындан тышкары, 229,5 миң сомдук товардын кемип калганы белгилүү болду. Мындан улам мамлекетке 668,9 миң сом зыян келтирилген.
Коррупцияга каршы кызматынын чогулткан материалдарынын негизинде УКМКнын аскер прокуратурасы тарабынан аталган ишкана кызматкерлерине кылмыш иши козголду.
Учурда тергөө амалдары жүрүп жатат.
