БИШКЕК, 14-окт. — Sputnik. Куралдуу күчтөрүнүн Аскердик институтунун от жакчу жайын тийиштүү жабдуу менен камсыздоо боюнча тендер өткөрүүдө "Аскер-Курулуш" мамлекеттик ишканасы бир топ мыйзам бузууларга жол бергенин УКМК билдирди.
Маалыматка ылайык, 2013-жылдын октябрь айында аталган ишкана алдын-ала базар бааларын билбей туруп жылытуучу жабдууларды сатып алуу үчүн тендер жүргүзгөн. Анын жыйынтыгында 15 миллион 260 миң 783 сом сунуштаган "Дельта-Лот" компаниясы жеңүүчү болуп таанылган.
Мындан улам "Аскер-Курулуш" компаниясынын мыйзамсыз аракеттеринен улам өлкө казынасына 5,5 миллион сом зыян келтирилген.
Бул факт боюнча Кылмыш жаза кодексинин 171 беренесинин ("Ишенип берилген мүлктү ыйгарып алуу же төлөмөр болуу") негизинде кылмыш иши козголуп, учурда тергөө амалдары жүрүп жатат.
