БИШКЕК, 13-окт. — Sputnik. Белоруссия Кыргызстанды айыл чарба жана коммуналдык техника менен камсыздоого кызыкдар экенин аталган мамлекеттин премьер-министри Адрей Кобяков Кыргызстандын элчиси Кубанычбек Өмүралиев менен жолугушуу учурунда билдирди.
Маалыматка ылайык, жолугушуу учурунда эки өлкөнүн ортосундагы мамилелерди өнүктүрүү маселелери каралып, соода-экономикалык кызматташууну боюнча биргелешкен комиссиянын ишин жандандыруу боюнча аракеттер талкууланды.
"Белоруссия Кыргызстанды айыл чарба жана коммуналдык техника, ошондой эле автобус, жүк ташуучу унаа жана лифт менен камсыздоого кызыкдар. Мындан тышкары, Кыргызстанда айыл чарба техникасынын кураштыруу өндүрүшүн иштетүүгө даярбыз", — деди Кобяков.
Жолугушууда эки өлкөнүн тийиштүү министрлик, мекемелеринин ортосунда тикелей байланыш түзүү маселелер айтылды.
