БИШКЕК, 9-окт. — Sputnik. Жаза аткаруу мамлекеттик кызматынын бөлүм башчысына карата кызмат абалынан кыянаттык менен пайдалануу беренесинин негизинде кылмыш иши козголгонун Башкы прокуратура билдирди.
8 Тогуздун айы 2015, 17:30
Маалыматка ылайык, аталган кызматкер турак колониясында жаза өтөп жаткан жарандан автомагнитола сатып берип, аны "Хонда СР-В" үлгүсүндөгү жеке унаасына орнотууну жана машинаны ремонттон өткөрүп берүүнү талап кылган. Эгер айтылгандар аткарылбаса, жаза өтөп жаткан жаран менен ишке орношуу боюнча келишим түзбөй, аны абакта калтырам деп коркуткан.
Соттолгон адам автомагнитоланы орнотуп бергенден кийин анын арызынын негизинде колониянын жетекчиси Бишкек ШИИБ убактылуу кармоочу жайына киргизилди.
Учурда тергөө амалдары жүрүп жатат.
