БИШКЕК, 5-окт — Sputnik. Үстүбүздөгү жылдын сегиз айында, тактап айтканда, январь-август айлары аралыгында Кыргызстанда 20 миллион литр сыра жасалган. Бул тууралуу Улуттук статистикалык комитети билдирди. Сыранын мындай көлөмү 15 олимпиадалык бассейнди толтурганга жетет.
Маалыматка ылайык, экинчи орунда 5,17 миллион литр менен арак турат.
Ал эми вино сегиз айда 800 миң литр жана коньяк 300 миң литр чыгарылган.
Ошондой эле, 78 миллион литр суусундук чыгарылган. Буга 59 олимпиадалык бассейнди толтурууга болмок.
Ал эми өндүрүлгөн минаралдык суулардын көлөмү 26 миллионду түзөт.
