Элчиликтин маалымат катчысы Айымкан Кулукееванын айтымында, Кыргызстандагы парламенттик шайлоого добуш берүү үчүн Россиянын Санкт-Петербург, Екатеринбург, Новосибирск, Красноярск жана Владивосток шаарларында шайлоо участоктору ачылды.
Москвадагы № 9001 шайлоо участогу Москва шаарындагы Кыргызстандын элчилигинин имаратында жайгашкан.
"Парламенттик шайлоого Москвадагы мекендештерибиздин ичинен 4338и добуш бермекчи. Расмий алганда Россияда ачылган шайлоо участокторуна 9 375 кыргызстандык келип добуш берет деп турабыз ",— деп айтты Кулукеева.
Анын айтымында, бул жерде бир нече себептер бар: мекендештер Россиянын ар кайсы аймактарында жашайт. Аларды көбү каттоодон өтүү зарылдыгын билген эмес. Дагы бир себеп, тыным албай иштешкендиктен, саясий иш-чараларга катышууга мүмкүнчүлүгү жок.
Кыргызстандагы шайлоонун жүрүшү тууралуу Sputnik агенттигинин онлайн-репортажынан көрүңүз>>
